Кояшны телескоп аша күзәтәсең киләме?

Уфа планетарие ике көн рәттән Кояшны телескоп аша күзәтү мөмкинлеген бүләк итә. Бушлай акция уңай һава шартларында үтәчәк.

“Синоптиклар фаразлавынча,  1 июльдән  Уфага җәй әйләнеп кайта, һәм без астрология яратучыларга Кояшны күрсәтергә әзербез.  Кояшны теләгән һәркем  Coronado SolarMax II90 махсус телескопы аша күзәтә ала. Анда катлаулы уникаль фильтрация системасы эшли”, – диләр планетарийда.

1 июльдә 12дән 14.00 сәгатькә кадәр планетарийның космик десанты  Агыйделнең уфалылар арасында популяр булган Яр буенда урнашачак (ориентир – сәхнә). Уфада яшәүчеләр һәм башкала кунаклары Кояшны телескоп аша күзәтеп кенә калмыйча, планетарий лекторы  Филипп Тереховтан кызыклы фактлар да белә, серле Җиһан турында аңа сораулар бирә алачак.

2 июльдә 11дән 13.00 сәгатькә кадәр Кояшны телескоп аша күзәтү планетарий (Октябрь проспекты, 79/2) алдындагы мәйданда оештырылачак.
Чыганак: bashinform.ru