Елмаеп башлыйк көнне!

–Гатифәкәем, карап-карап торам да, тагын бер карап куям. Ходай ни өчен сине шундый чибәр һәм шундый юләр итеп яратты икән ул, ә?

–Шуны да аңламыйсыңмы?!  Чибәр итеп яраткан сиңа ошар өчен, ә юләр иткән – син миңа ошасын өчен!

**

–Доктор, бу коронавирус инфекциясе кайчан бетәр икән?

–Белмим, мин сәясәт белән кызыксынмыйм.

**

–Доктор, зинһар, тизрәк килеп җитегез! Хатынымда аппендиицит пристубы!

–Борчылмагыз! Бер ел элек мин хатыныгызга операция ясадым. Анда яңадан аппендикс үсә алмый.

–Ә миндә яңа хатын була ала!

**

Яшь гаиләнең бик озак баласы булмый. Бер танышы Римдагы чиркәүгә барып, шәм кабызырга киңәш итә. Берничә ел үтә. Шул ук танышы боларга хәл белергә килә. Керсә, өйдә бер көтү бала-чага үзе генә утыра икән.

–Әниегез кайда?– дип сарый ул алардан.

–Бала тудыру йортында.

–Ә әтиегез кайда?

–Әти Римга ниндидер шәмне сүндерергә китте.

**

–Тозлы булган!

–И, җаным, сине нык яратам, шуңа тозлырак киткәндер...

–Мине ничек яратырга кирәк соң ул чәйне тозлап бирер өчен???

**

Германиядә сыра фестивале үтте. Иң күп сыраны ул көнне Тамбовта яшәүче Иванов чөмерде. Фестиваль турында телевизордан карап утырганда...

**

Табиб авыруга дару алыр өчен рецепт язып утыра.

Авыру:

–Берьюлы сантыйлыкка да справка язып бирегез инде, – ди.

Табиб гаҗәпләнә:

–Анысы нигә?

–Ул справкасыз танауга тамыза торган даруны бу хакка бирергә тиеш түгелләр кебек.

**

Автосервиста:

–Туташ, Сез бит бампер гына янчелгән дигән идегез?

–Бәй сезгә кадәр килергә дә кирәк бит әле...

**

Ни өчен “Мин сине беркайчан да онытмаячакмын!” дигән сүзләр назлы һәм рәхәт яңгырый, ә “Мин сине истә калдырдым!” дигәне ничектер куркынычрак?

**

–Ә Кавказда сезнең Мәскәүдәге кебек машина тыгыннары юк!

–Сезнекеләр барысы да Кавказына кайтып китсә, бездә дә булмас иде дә ул...

**

Ике хезмәткәр сөйләшә:

–Бер көнне килүгә өстәлеңдә эштән бушатылуың турында кәгазь ятар дип курыкмыйсыңмы?

–Юк, колларны эштән бушатмыйлар, аларны алмашалар гына.

**

–Хәерле көн! Сезне банктан борчыйлар. Берәр кайчан безнең хезмәттән файдаланганыгыз бармы?

–Бар. Үтеп барганда витринагыздан файдаланам. Көзге урынына өс-башымны карап узам.

**

Хатыны:

–Нәрсә булды ул кухняда?

Ире:

–Мин киләчәкне күрдем.

Хатыны:

–Нәрсә дип күрдең инде?

Ире:

–Яңа шикәр савыты алабыз икән дип...

**

–Лотерея билеты алыгыз! Лотерея билеты алыгыз! Машина отарсыз!

–Кирәкми миңа сезнең машинагыз. Мин җәяү йөрергә яратам.

–Барыбер алыгыз! Бөтенесе дә машина отмый бит!