Башкортстан халкы ничә сәгать йоклый?

Бүген – 18 март – Бөтендөнья йокы көне.

Шул уңайдан Башкортстанда яшәүчеләр күпме йоклый икәнлеген исәпләп чыгарганнар. Статистика белгечләре моны ничек эшләгәндер – анысы хәбәр ителми, әмма нәтиҗәсе болай: республика халкы эш көннәрендә уртача – 8 сәгать 25 минут, ә ялларда 9 сәгать 32 минут йоклый икән.

Галимнәр фикеренчә, сәламәт булу өчен өлкәннәр тәүлегенә 7-8 сәгать йокларга тиеш.

Ә сезгә ничә сәгать йокы җитә?