Чыршы купшы киенгән

Уфа мәйданына килгән.

Уфага Яңа ел якынлаша. Совет мәйданынд Яңа ел чыршысы урнаштырылды!

“Чыршыны Благовещен районнынан алып килделәр. Совет мәйданында чыршы өченче ел рәттән куела. Биш елдан артык, 2019 елга кадәр, анда чыршы урнаштырылмый торды. Пиксель чыршы, конструкциясе авыр булу сәбәпле, биредә куелмый. Ул “Мотор төзүчеләр” Мәдәният йорты  каршында урын алачак”, – дип хәбәр итә шәһәр мериясенең матбугат хезмәте.

Арытаба башка мәйданчыкларда яңа ел шәһәрчекләрен әзерләүгә керешәчәкләр. Быел Башкортстанда, «Башинформ» белдерүенчә, 2291 Яңа ел чыршысы куелачак, 1 160  боз шәһәрчеге, 756 шугалак һәм 1 173 боз тавы ясалачак.