Югары белемлеләр сыра ярата

Русиядә сыра сатып алучының уртача портреты булдырылган. Аны “Ромир” холдингы тикшеренүләренә нигезләнеп әзрләгәннәр.

Сыраны 30дан алып 40 яшькә кадәрге русиялеләр (40%) ешрак сатып ала икән. 55% сыра эчүчеләрнең югары белеме бар. “Сыра эчәргә яратучылар хакында сүз йөрткәндә, аларның гаиләле булуы (74%) билгеле, әмма ул гаиләләрнең 60 процентында балалар юк”, — диелә тикшеренүдә.

Бу сыра яратучылар ешрак “Европа Плюс” радиостанциясен тыңлыйлар. Аннары "Love Радио", “Русское радио” һәм "Ретро ФМ" килә, диләр аналитиклар.

Сыра яратучылар арасында иң популяр кушымталар — WhatsApp мессенджеры, Google Chrome браузеры һәм “ВКонтакте” социаль челтәре.