Күктән җибәрелгән “сәлам”ме?

“Кичә булды бу хәл. Кояш баеп, озак та үтмәгән иде әле...Мин йорт алдында басып тора идем. Бервакыт һавадан якты сызык ясап, “пышылдаган” тавыш белән бер нәрсә килеп төште дә балчык фонтаны чыгарып җиргә кереп туктады. Саклык белән генә янына барып, җирдән чокып алып, тазартып карасам... Метеорит икәнен аңладым. Телевизордан күрсәткәннәр иде, бу да хас шулай”, – дип язган безгә Зубово авылыннан Вәкил исемле укучыбыз. Әле “күкләр сәламе” гөл төбендә урын алган.

Галәмәт хикмәтле заманда яшибез. Менә шулай тыныч кына өең янында басып торырсың, ә башыңа метеорит килеп төшәр! Аллаһ сакласын!