Күктән йолдыз явачак

Көзге төнне тылсымга батыра торган Орионидлар явуы 2 октябрьдә башланган иде. Аларның активлыгы 16 октябрьдән арта башлады һәм 21 нче октябрьдән 22 нче октябрьгә чыккан төндә метеорлар агымы иң максимумына җитәчәк: сәгатенә 20гә.

Шуңа күрә алдагы дүшәмбедә эштән кайтып, бераз хәл җыйгач, болытлы һава торышы булмаса, термосларга чәй ясап алыгыз да, җылы пледларга уранып, сихри йолдыз яңгыры белән сокланырга тышка чыгыгыз.