Алтын түфлиләрне 9 ай теккәннәр

Клеопатра түфлиләре (Passion Diamond Shoes) — дөньядагы иң кыйммәтле аяк киеме. Аларны эшләгәндә алтын, күн һәм ефәк кулланганнар һәм чын мәгънәсендә бриллиантка “күмгәннәр”. Passion бренды ювелирлары бу түфлиләрне биш йолдызлы Бурдж-эль-Араб (Дубай) отеле соравы буенча эшләгән. 9 ай вакыт кирәк булган аларга. 36нчы үлчәмле мондый алтын аяк киеменең әлеге көндә бердәнбер пары бар. Башка үлчәмдәге түфлине шәхси заказ буенча эшләп бирә алалар, дип хәбәр итә Рамблер.