Аучылыкта лимит билгеләнде

Башкортстан Республикасында 2026 елның 1 августыннан 2027 елның 1 августына кадәр сезонга аучылык ресурсларын аулау лимитлары расланды. Тиешле күрсәтмәне төбәк башлыгы имзалады. Яңалыклар турында республика Хөкүмәте утырышында Премьер-министр Андрей Назаров сөйләде.

Төбәктә поши һәм себер кыр кәҗәсе саны үсешенең уңай динамикасын билгеләп үтелде. Узган сезон белән чагыштырганда квоталар арту ягына төзәтелде. Аюга лимит 2025-2026 елгы сезонда 600 кешегә каршы 631 зат, пошига — 3256 затка каршы 3391 зат, кыр кәҗәсенә — 3272 затка каршы 3529 зат күләмендә билгеләнгән.

Квоталар билгеләнгән һәркем өчен мөмкин булган аучылык җирләрендә аучылык ресурсларын аулауга рөхсәтләрне бүлү Башкортстан Республикасы табигатьтән файдалану һәм экология министрлыгы тарафыннан гамәлгә ашырыла. Республиканың аучылык хуҗалыклары өчен билгеләнгән калган квоталар аучылык хуҗалыгы килешүләрен төзегән юридик затлар һәм индивидуаль эшкуарлар (аудан файдаланучылар) тарафыннан бүленә.

Документ федераль һәм республика кануннарына тулысынча туры китереп эшләнгән, дәүләт экология экспертизасын узган һәм Русия Табигать ресурслары һәм экология министрлыгы тарафыннан хуплау тапкан. Кабул ителгән карарлар «Экологик иминлек» милли проекты кысаларында биологик төрлелекне саклауга һәм табигать ресурсларыннан тотрыклы файдалануны тәэмин итүгә юнәлдерелгән.

Башкортстан Республикасы табигатьтән файдалану һәм экология министры Нияз Фазылов һәр аучылык биләмәсе өчен квоталар актуаль исәпкә алу мәгълүматлары нигезендә исәпләнелүен ачыклады. Киләсе сезонда аулауның планлы күрсәткечләре түбәндәгечә бүленгән: поши — 3391 баш, себер кыр кәҗәсе — 3529 баш, көрән аю — 631 баш, бурсык — 843 баш.