Башкортстанның бюджет кредитларын кичектерү мөмкинлеге барлыкка киләчәк

Шундый инициатива белән «Бердәм Русия» партиясенең Югары советы бюросы әгъзасы, Мәскәү мэры Сергей Собянин чыгыш ясады. Төбәкләрнең гомуми бурычы якынча 300 миллиард сум тәшкил итә.

- Элек Русия Хөкүмәте бюджет кредитлары ярдәмендә төбәкләр үзләренең бюджет сәясәтен, шул исәптән милли проектларны, инвестиция проектларын, сәнәгать һәм икътисадны үстерүне тотрыклы рәвештә кора алсын өчен проблемаларны каплый иде. Бүген бу федераль бюджет өчен дә проблема булып тора, шуңа күрә хөкүмәт белән бюджет кредитларын кайтару срокларын күчерү мәсьәләсе карала, — дип аңлатты Сергей Собянин. Билгеләвенчә, бу инициативаны гамәлгә ашыру өчен Русия Президенты дәрәҗәсендәге карар кирәк булачак.

Исегезгә төшерәбез, 2026 елның апрелендә Владимир Путин «Бердәм Русия»нең төбәкләрнең бурычларын түләү вакытын 2027 - 2029 еллардан соңрак вакытка күчерү турындагы тәкъдимен хуплады. Чара субъектларга шактый акчаларны бушатырга һәм аларны беренче чираттагы бурычларга юнәлтергә мөмкинлек бирер дип көтелә.

 

Фото:vecteezy.com