Радий Хәбиров: "Ышанычлы яклауны тәэмин итү мөһим"

19 июньдә Республика йортында Башкортстан башлыгы Радий Хәбиров террорчылыкка каршы комиссия һәм төбәкнең оператив штабының уртак утырышын үткәрде. Көн тәртибендә - инфраструктура һәм сәнәгать объектларын дошман терактларыннан, шул исәптән пилотсыз очу аппаратларын кулланып, яклауны көчәйтү мәсьәләләре.

Киңәшмәдә министрлыклар һәм ведомстволар, хокук саклау органнары, шулай ук республиканың эре предприятиеләре җитәкчеләре катнашты. Алар производстволарны актив һәм пассив яклау системаларын көчәйтү буенча юл карталарын үтәлеше турында фикер алышты.

- Без илнең башка төбәкләренең БПЛА һөҗүмнәренә дучар булуын күрәбез. Бу куркынычның характерын ачык күрсәтә һәм бездән кичекмәстән һәм кискен гамәлләр кылуны таләп итә, – диде Радий Хәбиров. - Ышанычлы яклауны тәэмин итү өчен тагын нәрсәләр эшләргә кирәклеге турында фикер алышу мөһим.

Киңәшмәдә халыкның һәм производстволарның иминлеген арттыруның өстәмә чаралары, шулай ук куркыныч янаган очракта ведомствоара хезмәттәшлек тәртибе һәм мөмкин булган гадәттән тыш хәлләр нәтиҗәләрен бетерү буенча уртак эш каралды.

 

БР Башлыгы сайты буенча.