"Китап-байрам" барлык муниципалитетларны колачлаячак!

Уфа халкы һәм кунаклары янә «Китап бәйрәме» IV Халыкара китап ярминкәсендә очрашачак!  Ул 2026 елның 28-30 маенда башкаланың Совет мәйданында узачак. Ярминкәдә эре нәшриятлар, китап кибетләре, модель китапханәләр, шулай ук язучылар, рәссамнар, драматурглар һәм сәнгать белгечләре катнашачак. Ярминкә кысаларында, яңа китаплар сатудан тыш, танылган әдәбиятчылар белән очрашулар, шулай ук яшь авторларның иҗаты белән танышу, ачык һавада кино карау, мастер-класслар, уеннар оештырылачак. Бүген “Китап” кибетендә үткәрелгән матбугат конференциясендә шул хакта сөйләделәр.

Берничә ел эчендә "Китап-бәйрәм" мәдәни диалогның әһәмиятле халыкара мәйданчыгына гына түгел, ә илебездә иң күп йөри торган төбәк китап ярминкәсенә дә әверелде. Ярминкәгә ел саен Россия төбәкләреннән катнашучы җыела. Башкортстан Республикасы ярминкәне уздыру йомгаклары буенча «Россиянең әдәби флагманы» статусына ия булды, бу проектның югары дәрәҗәдә оештырылуын һәм әһәмиятен ассызыклый.

Башка еллардан аермалы буларак 2026 елда «Китап бәйрәме» ярминкәсе Башкортстанның барлык муниципалитетларын да колачлаячак –Бердәм китап календаре шәһәр һәм районнарның төп вакыйгаларын берләштерә. Чараларга старт 27 майда, бөтенрусия китапханәләр көнендә биреләчәк.

Уфада исә өч көн дәвамында ярминкә мәйданчыгында көн саен 10.00 сәгатьтән 22.00 сәгатькә кадәр бай программа тәкъдим ителәчәк.

Күркәм чарадан читтә калмагыз, дуслар!

Фото: Э. Ибрагимова