Чәчәкләр салдылар

 1 майда, Яз һәм хезмәт бәйрәмендә, Башкортстан Башлыгы Радий Хәбиров “Уфа – хезмәт батырлыгы шәһәре” стеласына чәчәкләр салды. Тантаналы чарада республика Хөкүмәте әгъзалары, төбәкнең Дәүләт Җыелышы – Корылтае депутатлары, министрлыклар һәм ведомстволар, Уфа предприятиеләре, яшьләр һәм иҗтимагый оешмалар җитәкчеләре катнашты. Башкортстан Башлыгы республика халкын бәйрәм белән котлады һәм якташларыбызның казанышлары турындагы хәтерне саклауның мөһимлеген билгеләп үтте.

– Бүген без бөтен республика горурлана торган урын янына җыелдык, – диде Радий Хәбиров. - Россия Президенты Владимир Владимирович Путин карары белән Башкортстанның тагын бер шәһәре-Ишембай да, Уфа кебек үк, «Хезмәт батырлыгы шәһәре» исеменә лаек булды. Бу авыр сугышны узган һәм заманча икътисадка нигез салган тулы бер буынга, күп кенә шәһәрләргә һәм авылларга хөрмәт.

Башкортстан Башлыгы шулай ук «Уфа – хезмәт батырлыгы шәһәре» стеласы янында иҗтимагый киңлек үсеше белән танышты. Биредә, аерым алганда, «Л-3589» совет йөк паровозы урнаштырылган. Бу арт-объект М-105пф авиация двигателе, нефтекачалка, корабль якорьлары, ГАЗ-АА «полуторкасы», шулай ук вертикаль-фасон-строгаль станок белән беррәттән ачык һавада музейның бер өлеше булды. «Л-3589» паровозын Бөек Ватан сугышы ахырында эшләгәннәр. Аны 1945 елдан 1955 елга кадәр чыгаралар. 1947 елга кадәр ул рәсми рәвештә «Җиңү» исемен йөртә. Стела янында урнаштырылган тимер юл составы 1954 елдан бирле эксплуатацияләнгән. Локомотивны республикага Куйбышев тимер юлы – «Россия тимер юллары»  филиалы бушлай тапшырган. Проектлаучыларның планнарында-паровозны интерактив итү. Уфалылар һәм шәһәр кунаклары, аерым алганда, машинист кабинасында була һәм истәлекле фотосурәтләр ясый алачак. Радий Хәбиров тагын бер яңа арт-объект – Су-25 самолет-штурмовиклары өчен р95ш турбореактив двигателе белән танышты. Моторны Социалистик Хезмәт Герое Сергей Гаврилов җитәкчелегендә эшләгәннәр һәм 1980 елдан Уфа моторлар төзү производство берләшмәсе (хәзерге вакытта – ОДК-УМПО) мәйданчыгында чыгарганнар. Җәмәгать пространствосын төзекләндерү дәвам итә. Планнарда-брусчатка салу һәм газоннарны җиһазлау, ЯК-3 самолеты һәм корабльләр макетларын урнаштыру, арт-объектларны яктырту һәм яктыртуны монтажлау. *** Башкортстан башлыгы журналистлар белән әңгәмәдә Яз һәм Хезмәт бәйрәменең бүгенге әһәмиятен ачты, аның мәңгелек кыйммәтен ассызыклады. - Бу, барыннан да элек, хезмәт кешеләренең бәйрәме. Без гаиләләребезнең иминлеген тәэмин итү, туган территорияләребезне үстерү, Ватаныбызны ныгыту өчен эшлибез, – дип билгеләде Радий Хәбиров. - Бүген иң мөһиме үз илең файдасына эш итү икәнен искә төшерү аеруча мөһим. Республика башлыгы шулай ук стела янындагы ачык һавада музейның үсеш перспективалары һәм аның үсеп килүче буынны тәрбияләүдәге роле турында сөйләде.

– Без бу локацияне аңлы рәвештә һәм акрынлап формалаштырабыз. Вакытлар узу белән бу урын мәктәп укучылары өчен чын белем бирү мәйданчыгына әвереләчәк. Күз алдына китерегез, биредә балалар турбореактив двигательне якыннан күрә, паровозның төзелешен өйрәнә, катлаулы техник эшләнмәләрнең ничек ясалуын аңлый алачак. Бу хезмәткә хөрмәт тәрбияли, патриотлыкны үстерә һәм яшьләргә инженер һәм эшче һөнәрләренең кыйммәтен аңларга ярдәм итә, – диде Радий Хәбиров. – Без бу мәйданчыкны үстерүне дәвам итәчәкбез, чөнки ул мөһим мәгърифәтчелек миссиясен башкара. Белешмә: "Уфа-хезмәт батырлыгы шәһәре" стеласын республика башкаласының Киров районында 2022 елның ноябрендә ачтылар. Монумент Бөек Ватан сугышы елларында һәм сугыштан соң илне торгызу чорында Башкортстан халкының хезмәт батырлыгы истәлегенә багышланды. Уфага хезмәт батырлыгы шәһәре статусын үз Указы белән Россия Президенты Владимир Путин бирде.

Фото: glavarb.ru