Чиновниклар да кушылды

Милли костюм көнендә Башкортстан Республикасы Хөкүмәте Аппараты хезмәткәрләре башкорт теле буенча халыкара диктантка кушылды. Башкортстан Республикасы Хөкүмәте Йортында хезмәткәрләр өчен белем бирү акциясендә катнашу өчен мәйданчык оештырылган иде. 2020 елдан акция «Башкортстан Республикасы дәүләт телләрен һәм Башкортстан Республикасы халыклары телләрен саклау һәм үстерү»дәүләт программасын гамәлгә ашыру кысаларында уза. Акциянең максаты - киң җәмәгатьчелекнең игътибарын туган телне өйрәнүгә җәлеп итү, тел культурасын күтәрү, Башкортстан Республикасында, Россия Федерациясе төбәкләрендә һәм чит илләрдә башкорт телен популярлаштыру. Чара башында шагыйрә Тәнзилә Дәүләтбирдина башкорт телендә шигырьләрен укыды һәм туган телгә сак карарга, мондый белем бирү проектларында актив катнашырга өндәде. Башкортстан Республикасы Хөкүмәте Аппаратының мәдәният һәм мәгариф департаменты директоры Вәсилә Абдрахманова билгеләп үткәнчә, аппарат хезмәткәрләре бу акциядә бик теләп катнашалар.

- Гадәттәгечә Хөкүмәт Йортында «БСТ»телеканалының туры эфирын кертеп, онлайн форматта диктант оештырыла. Диктанттан соң үз эшләреңне фотога төшерергә һәм үз белемеңне тикшерү өчен «Макс» мессенджерының чат-боты аша җибәрергә мөмкин иде. Аппарат хезмәткәрләренең бу чарага битараф булмавына һәм акциягә кушылырга теләүчеләрнең саны арта баруына без бик шат, - дип шәрехләде Вәсилә Абдрахманова.

Чыганак: pravitelstvorb.ru