Яшьләр проектлары бәйгесенә гариза бирергә вакыт бар әле

XXIII Бөтенрусия яшьләр проектлары конкурсына гаризалар кабул итү дәвам итә.

“Минем илем – минем Русиям” XXIII Бөтенрусия яшьләр авторлык проектлары һәм мәгариф өлкәсендәге проектлар конкурсына гаризалар 24 февральдән кабул ителә башлады.

Чара Русия территорияләрен социаль-икътисади үстерүгә юнәлтелгән. Ул фән һәм технологияләр унъеллыгы һәм Русия халыклары бердәмлеге елы кысаларында гамәлгә ашырыла.

2019 елдан конкурс “Русия – мөмкинлекләр иле” Президент платформасына керә. Аның төп идеясе – яшь буынның потенциалын төбәкләр, шәһәрләр һәм авыллар үсешенең актуаль мәсьәләләрен хәл итүгә җәлеп итү.

Бәйгедә катнашучылар түбәндәге таләпләргә туры килергә тиеш:

- яшь чикләүләре булмаган номинацияләрне дә кертеп, 14 яшьтән 35 яшькә кадәрге яшьләр: “Минем педагогик инициативам”, “Минем гаиләм: дәвамчанлык, кыйммәтләр һәм мәгънәләр” номинацияләре;

- 13 яшькә кадәрге балалар (“Минем илем халыклары әкиятләре” махсус номинациясе).

Катнашучылар ил үсеше өстенлекләрен чагылдыра торган номинацияләрнең киң спектры буенча үз инициативаларын тәкъдим итә ала.

Гариза бирү кампаниясе 2026 елның 31 маена кадәр дәвам итәчәк. Нәтиҗәләр ноябрь аенда ясалачак.

Катнашу өчен конкурсның рәсми сайтында теркәлергә һәм проект материалларын урнаштырырга кирәк: www.moyastrana.ru.