Андрей Назаров утырышта катнашты

Башкортстан Хөкүмәте Премьер-министры Андрей Назаров Уфада Беларусь һәм Русия Берлеге Парламент җыелышы комиссияләренең уртак утырышларында катнашты.

- Безнең өчен киләчәктә дә нәтиҗәле хезмәттәшлеккә ярдәм итәчәк ике илнең закон чыгаручылары тарафыннан килешүләр төзү - зур мәртәбә. Үзебезнең яктан, без Русиянең Беларусь һәм аның төбәкләре белән багланышларын актив үстерәбез. Безнең элемтәләрнең интенсивлыгы һәм уртак эш буенча, әлбәттә, Беларусь — беренче номерлы партнёр, — диде Андрей Назаров.Беларусь һәм Русия Берлегенең Парламент җыелышы ике илдән 72 депутат һәм сенаторны үз эченә ала. Алар бергәләп эшчәнлекнең төрле юнәлешләре буенча 17 комиссия төзи. Уфада каралачак фикер алышуларның төп юнәлешләре — бюджет, салымнар һәм финанс базарлары, икътисади сәясәт, шулай ук ике Союздаш дәүләтнең транспорт өлкәсе.Беларусь һәм Русия Союзының бюджет, салымнар һәм финанс базары буенча Парламент җыелышы комиссиясе рәисе Виктор Селеверстов сөйләгәнчә, ике илнең уртак комиссияләре кисешкән мәсьәләләр турында фикер алышырга, ә соңрак аларны Парламент җыелышы сессиясенә карау өчен чыгарырга мөмкинлек бирә. Ул шулай ук Башкортстан башкаласында әлеге чараны оештыру дәрәҗәсеннән алган тәэссоратлары белән уртаклашты.