Кырым белән кушылуның 12 еллыгына – зур автойөреш

18 мартта Уфада Кырым һәм Севастопольнең Русия Федерациясе белән яңадан кушылу көненә багышланган патриотик чаралар узды.

Быел тарихи гаделлекнең тергезелүен, халыкның бердәмлеген һәм гражданнарның үзбилгеләнү хокукын символлаштырган әлеге тарихи әһәмияткә ия вакыйганың 12 еллыгы билгеләнә. 

Әлеге тарихи вакыйгага багышланган патриотик автойөрешне һәм флешмобны “Алга-Патриот” патриотик хәрәкәте оештырды. Бәйрәм программасы кысаларында активистларны һәм шәһәр халкын берләштергән автойөрү узды. Русия Федерациясе, Кырым Республикасы, Севастополь шәһәре һәм Башкортстан Республикасы флаглары белән бизәлгән 50дән артык автомобильдән торган колонна расланган маршрут буенча барды. Автойөреш шәһәрнең төп урамнары – Комаров, Тоннельная, Октябрь проспекты, Октябрьнең 50 еллыгы, Цюрупа, Зәки Вәлиди урамнары буйлап узды һәм “Ватан” паркының түбәнге мәйданчыгында тәмамланды.  

Программаның йомгаклау этабы масштаблы “89” флешмобы булды. Акциядә катнашучылар автомобильләрне Русия төбәкләре санына – 89 санына тезде. Бер үк вакытта Русия дәүләт флагының эре тукымасы җәелдерелде.

Әлеге чара гражданлык позициясен, 2014 елда ясалган тарихи сайлауга бердәмлекне һәм хөрмәтне чагылдырды, шулай ук милли тиңдәшлекне һәм тарихи хәтерне саклауның әһәмиятен ассызыклады.