Үз эшен ачарга теләгән студентлар өчен шәп мөмкинлек

18 мартка кадәр "Студентлар стартапы" конкурсында катнашуга гаризалар кабул ителә. Бу үз эшен ачарга теләгән студентлар өчен шәп мөмкинлек.

Конкурс үз проектыңны тормышка ашыру өчен 1 миллион сум күләмендә грант алу мөмкинеген бирә. Программа 2022 елдан алып эшли. Бу вакыт эчендә Башкорстанның 434 студенты җиңүчеләр сафына чыккан. Шуларның 185-е былтыр җиңгән. Ә, гомумән, бөтен Русия буенча 2025 елда 2500 инициативага ярдәм күрсәтелгән. Быел исә 2250 проектка булышу күзаллана.

Конкурста катнашу шартлары гади: Русиянең теләсә кайсы вузы студенты, шулай ук гыйльми оешмаларның ординаторлары һәм аспирантлары гариза тапшыра ала.  Яшь буенча чикләүләр һәм уку формасына таләпләр каралмаган.

Гаризалар җиде төп юнәлешләр буенча бәяләнә:

Санлы технологияләр; 

медицина һәм сәламәтлек саклау; 

яңа материаллар һәм химия технологияләре; 

приборлар һәм җитештерү технологияләре; 

биотехнологияләр; 

ресурсларны саклаучы энергетика; 

креатив индустрияләр.

Милли проект өстенлекләренә туры килгән проектларга аерым игътибар бүленәчәк.

Җентеклерәк: inbash.ru сайтында.