Башкортстанда «Аҗаган 2.0»Бөтенрусия хәрби-патриотик уены башланды

Чарада республика башкаласының төрле мәктәп һәм көллиятләреннән 200-дән артык активист катнашты.

Җыелучыларны «Беренчеләр хәрәкәте»нең төбәк бүлекчәсе советы рәисе Илнур Юлдыбаев һәм «Юнармия»нең төбәк бүлекчәсе штабы башлыгы Тимофей Присяжнюк сәламләде.

Батырлык дәресе - көннең төп вакыйгасы, анда махсус хәрби операция ветераны, Батырлык һәм генерал Шайморатов орденнары кавалеры, БР Дәүләт Җыелышы - Корылтае депутаты Артур Галиев чыгыш ясады. Ачык сөйләшүдә ул яшьләр белән хәрби хәрәкәтләрдә катнашу тәҗрибәсе белән уртаклашты, команда рухының, батырлыкның һәм антка тугрылыкның әһәмияте турында сөйләде, укучыларның сорауларына җавап бирде.

Рәсми өлештән соң катнашучылар өчен практик дәресләр оештырылды. Балалар тематик станцияләр: гомуми гаскәрләр грамоталылыгы һәм Русия тарихы буенча викториналар, тактик медицина, ут әзерлеге, радиация, химик һәм биологик яклау, экстремаль шартларда исән калу, тирда ату һәм «Боевой листок»иҗади конкурсында катнаштылар.

Бәйрәм  яшь патриотларны берләштергән " Алга, Россия!"күләмле флешмобы белән тәмамланды.

Илнур Юлдыбаев билгеләп үткәнчә, "Аҗаган 2.0 " яшьләргә үзләрен күрсәтү, командада эшләргә өйрәнү һәм булачак сакчыга кирәкле күнекмәләрне үзләштерү мөмкинлеген бирә. Әйтүенчә, укучыларның уенга кызыксынуы зур һәм яңа сезон тагын да кызыклырак булуны вәгъдә итә.

Быел уенда педагогик югары уку йортлары студентларын да кертеп, 23 яшькә кадәрге яшьләр катнаша ала. Киләчәктә алар укучылар өчен остаз була алачак. Оештыручылар шулай ук ватан тарихы, дәүләтчелек һәм хәрби хезмәт нигезләре буенча белемнәрне тирәнәйтергә ярдәм итәчәк онлайн-курсларны яңарттылар.

«Беренчеләр хәрәкәте» идарәсе рәисе, Русия Герое Артур Орлов билгеләвенчә, «Аҗаган 2.0» өч ел эчендә миллионлаган катнашучыны берләштерде һәм буыннар дәвамлылыгын саклаучы патриотлар берлегенә әверелде. Уенның  нәкъ менә 23 февральдә старт алуы армия өчен горурлык һәм аның көченә ышаныч символы булып тора. Уен яшьләргә башлангыч хәрби әзерлек белемнәрен практикада кулланырга мөмкинлек бирә һәм хәрби училищеларга керергә ниятләүчеләр өчен юнәлеш мәйданчыгы булып хезмәт итә.

Яңа сезон берничә этаптан тора: уку йортларында сайлап алу турлары, муниципаль һәм төбәк ярышлары. Иң яхшы командалар Бөтенрусия финалында республика исеменнән чыгыш ясаячак.

2025 елда «Аҗаган 2.0» да катнашу өчен Русиянең барлык төбәкләреннән 3,1 миллионнан артык мәктәп укучысы һәм көллият студенты гариза биргән. Уенга 130 меңнән артык остаз кушылды. Башкортстанда 90 меңнән артык кеше катнашты. Узган финал нәтиҗәләре буенча Стәрлетамактан «Росгвардия» отряды һәм Яңавыл районыннан «Коллиматор» отряды илнең иң яхшы командалары унлыгына керде. Бәләбәйдән «Патриоты БДТК» командасы 15 нче урынны алды, ә аның командиры Александр Ануфриев командирлар арасында шәхси зачетта икенче булды.

Катнашуга гаризаны уенның рәсми сайтында бирергә мөмкин. Әзерлек өчен оештыручылар видеолекцияләр һәм биремнәр белән укыту курслары әзерләгәннәр

 

"Молодежная газета" сайтыннан.

 

Фото:zatozvezdny.ru