АПКның яшь белгечләренә 750 мең сум түләнәчәк

Башкортстан Республикасы Авыл хуҗалыгы министрлыгының дәүләт ярдәме конкурсында катнашырга теләгән яшь белгечләрдән документлар кабул итү башлана. Исегезгә төшерәбез:  ярдәм агросәнәгать комплексының кадрлар потенциалына ярдәм итү буенча республика программасы кысаларында күрсәтеләчәк һәм авыл хуҗалыгы оешмаларының яшь белгечләренә 750 мең сум ярдәм (подъемный) акчасы биреләчәк. 

- Икенче ел «Азык-төлек иминлеген технологик тәэмин итү» милли проектын гамәлгә ашыру бара, аның кысаларында «АПКда кадрлар»федераль проекты төзелде. Безгә 2030 елга агросәнәгать комплексы предприятиеләрен 95% ка кадәр кадрлар белән тәэмин итү мөһим. Һәм безнең бу юнәлештәге эшебез – бүген Русия Федерациясе Авыл хуҗалыгы министрлыгы тарафыннан компетентлы белгечләр, тармак җитәкчеләре һәм булачак фермер-эшмәкәрләр әзерләү өчен төзелүче системаның бер өлеше, – диде БР хөкүмәте премьер-министры урынбасары – авыл хуҗалыгы министры Илшат Фазрахманов. 

Конкурсантларга карата төп таләпләр элеккечә кала: дәүләт ярдәме конкурсында катнашучылар Башкортстан Республикасының авыл җирендә урнашкан агросәнәгать комплексы оешмаларында эшкә урнашырга тиеш. Сайлап алуда катнашу өчен гариза һәм кирәкле документлар 2026 елның 17 февраленнән 2 мартына кадәр БР Авыл хуҗалыгы министрлыгының фәнни-мәгариф учреждениеләре белән хезмәттәшлек бүлегендә кабул ителә (Уфа шәһәре, Пушкин ур., 106 йорт, каб. 306, 9дан 18 сәгатькә кадәр, тәнәфес 13-тән 14 сәгатькә кадәр).

Барлык кирәкле мәгълүматны һәм документлар үрнәкләрен сылтама  скачать по ссылке.буенча күчереп алырга мөмкин. 

Белешмәләр өчен телефоннар: 8 (347) 218-05-40, 218-05-44.