Кунакларны Бөре каршы алды

“Кече ватан – Русия көче” III Бөтенрусия муниципаль форумы кунакларын бүген Бөре каршы алды.

Кунаклар шәһәрнең икътисади һәм мәдәни куәте белән танышты.

Делегатлар “Спектр” предприятиесендә дә булдылар, биредә инде 35 ел спорт һәм иҗат өчен уенчыклар һәм товарлар җитештерелә. Бөре районы башлыгы Павел Трапезников заводның җирле икътисад өчен әһәмиятен билгеләп үтте, ә предприятие җитәкчесе Снежана Әхмәтшина кунакларга продукция җитештерүнең проектлаудан һәм пресс-формалар ясаудан алып җыюга һәм төргәкләүгә кадәр тулы циклы турында сөйләде .

Сәфәрдә катнашучыларны Мәскәү, Екатеринбург, Пермь, Ярославль, шулай ук Беларусь һәм Казахстанны колачлаган җитештерү масштаблары һәм сату географиясе таң калдырды.

– Болар предприятиенең тотрыклы эшләве турында сөйли. Кирәкле һәм сыйфатлы продукция җитештерәләр. Үзебезнең чималны кулланулары бик шәп, – дип уртаклашты Арзамас шәһәре хакимиятенең җир-милек мөнәсәбәтләре комитеты рәисе Татьяна Вершинина.

#МАЛАЯ_РОДИНА_СИЛА_РОССИИ2026  #Республика_Башкортостан_Уфа #ВАРМСУ