Бер гаилә Яңа елны урманда каршылаган

31 декабрьдә ир белән хатын, улларын һәм туган тиешле энеләрен алып, бәйрәмгә дип, Чиләбедән Башкортстанга юллана.

Навигатор кыска юлны күрсәтә: моның өчен М-5 трассасыннан читләшеп, урман-авыллар буйлап барырга кирәк була. Гаилә кыска юлны сайлый. Әмма урманга кергәч, кечкенә елгага тап булалар һәм шунда карга баталар... Элемтә дә югала.

Нәтиҗәдә, Яңа ел төнен машинада урман уртасында үткәрәләр.

Ә иртән, 10 километрдан артык юл үтеп, М-5 трассасыннан 55 километр ераклыктагы Лемеза авылын барып чыгалар чыгалар.

Анда алар ярдәм чакырталар. Бу вакытка гаиләне полиция эзләгән була. Бәхеткә, барысы да яхшы тәмамлана һәм гаилә Чиләбегә кайта.

Кем әйтмешли, урау булса да юл яхшы...