“Авыр вакытларда берләшү – безнең күңелдә”

Бүген, 11 декабрьдә, Уфаның “Торатау” конгресс-холлында Башкортстан Башлыгы Радий Хәбиров Бөтендөнья башкортлары корылтаеның 30 еллыгына багышланган халыкара фәнни-гамәли конференциядә катнашты.

Ул, пленар утырышны ачып, нәкъ өч дистә ел элек, 1995 елда Бөтендөнья башкортлар корылтае эшли башлавын искә төшерде. Бу вакыт эчендә оешма зур юл үтте һәм бүген Русиянең 36 төбәгендә һәм дөньяның 28 илендә меңләгән ватандашларын берләштерә, дип билгеләде.

– Миңа Русия Федерациясенең башка субъектларыннан килгән кунаклар белән аралашу күңелле булды. Озак аерылышканнан соң сез туган ягыгызга кайткансыз дигән тәэсир калды. Чөнки мин бәхетле, елмаеп торган йөзләрне күрәм. Һәм без барыбыз да сезне Башкортстанда сәламләвебезгә бик шат. Халкыбызның бердәмлеген, җылысын саклавыгыз өчен рәхмәт белдерәбез, – диде Радий Хәбиров. – Бөтендөнья башкорт корылтае халкыбызга абынмыйча ышаныч белән алга барырга мөмкинлек биргән көч булып чыкты. Күңелебезгә шулай салынган ки, авыр вакытларда без берләшәбез, батырлык һәм иң яхшы кешелек сыйфатларын күрсәтәбез. 1812 елда, 1941 елда шулай булган. Хәзер дә, махсус хәрби операция вакытында да, шулай.

Башкортстан Башлыгы идеологик фронтта дошманга каршы торучы халыкның зирәклегенә басым ясады. Ул башкорт халкының тарихи хәтерен, табигать объектларын һәм матди булмаган мәдәниятен саклау эшендә төбәкнең уңышларын билгеләп үтте.

Аннары Радий Хәбиров дәүләт бүләкләре тапшырды.