Ишекләрен бер-бер артлы ачтылар

10 декабрьдә БР Башлыгы янындагы мәдәният һәм сәнгать үсеше мәсьәләләренә багышланган совет утырышы барышында республика җитәкчесе Радий Хәбиров яңа авыл мәдәният объектларын ачуга старт бирде.

Ишембай районының Яңа Сәет авылында 100 урынга модульле мәдәният йорты ачылды. Хәйбулла районының Яңа Җиргән авылында 102 урынга авыл мәдәният йорты ачылуы игълан ителде. Аңа "Башкортстан бакыры" компаниясе булышлыгында ремонт ясалган. Мәчетле районының Яңа Мөслим авылы халкы исә 150 урынлык күпфункцияле авыл мәдәният йортына ия булды.

Радий Хәбиров яңа мәдәният йортлы булган авылларны ихлас котлады һәм Яңа ел бәйрәмен яңа урында күңелле итеп гөрләшеп үткәрүләрен теләде.

 

"БР Башлыгы сайтыннан".