Бизнес һәм фән

 2025 елның 3 декабреннән 5 декабренә кадәр Уфада XVIII халыкара бизнес атналыгы узачак – ул Башкортстан Республикасының гына түгел, тулаем илнең дә үсеш векторларын билгеләүче мөһим вакыйга. «Торатау» Конгресс-холлында узачак чара Русиянең төрле төбәкләреннән һәм чит илләрдән, шул исәптән Кытай, Берләшкән Гарәп Әмирлекләре, Төркия, Казахстан, Таҗикстан һәм Үзбәкстан делегацияләреннән меңләгән эшлекле даирә вәкилләрен җыячак. Форум эшендә башкарма хакимиятнең федераль һәм төбәк органнары җитәкчеләре, шулай ук икътисад, инвестицияләр һәм инновацияләр өлкәсендә әйдәүче экспертлар катнашачак. 4 декабрьдә дөнья дәрәҗәсендәге Евразия фәнни-мәгариф үзәгенең югары уку йортлары арасындагы студентлар кампусы халыкара бизнес атналыгы мәйданчыкларының берсе булачак. Аның алга киткән инфраструктурасы һәм зур потенциалы халыкара дәрәҗәдәге чаралар уздыру таләпләренә тулысынча туры килә.

 - Халыкара бизнес атналыгы кебек әһәмиятле вакыйганы безнең мәйданчыкта уздыру– кампуста төзелә торган экосистеманың фән, мәгариф һәм сәнәгать тоташуында ничек эшләвен күрсәтү өчен менә дигән мөмкинлек. Без заманча лабораторияләр тәкъдим итеп кенә калмыйбыз, без алга киткән идеяләр туа торган һәм төбәк һәм ил икътисады өчен гамәли бурычлар хәл ителә торган мохит булдырабыз. Форум инновацион процесста катнашучыларның тыгыз интеграциясе киләчәк технологияләрен булдыруга ничек ярдәм итәчәген ачык күрсәтә, - дип ассызыклый кампус директоры Сергей Гладких. Югары уку йортлары арасындагы студентлар кампусы кебек алдынгы үзәкне булдыру Башкортстанның заманча кампуслар челтәре төзү буенча федераль проект гамәлгә ашырыла торган сынау төбәкләре исәбенә керүе нәтиҗәсендә мөмкин булды. Уфа вузара кампусы проекты - ул уку корпуслары гына түгел, ә 4,3 мең кешегә исәпләнгән торак биналары, уку-фәнни комплексы, лабораторияләре, эшлекле зоналары, кибетләре, уңайлы скверлары һәм башка уңайлы шәһәр мохите объектлары булган тулы бер студентлар шәһәре, алар шулай ук Уфаның барлык халкы һәм кунаклары өчен дә ачык булачак. Вузара кампустагы чараларның төп фокусы бизнес һәм фән арасында ачык диалог темаларына юнәлтеләчәк. Форумда катнашучылар югары уку йортлары һәм компанияләр арасындагы хезмәттәшлекнең нәтиҗәле механизмнары турында фикер алышачаклар, кампусны технологик эшмәкәрлекне үстерү өчен әзер экосистема һәм башка актуаль мәсьәләләр буларак караячаклар. Параллель рәвештә бу көнне XI Бөтенроссия юридик форумы һәм «хокук өстенлеге: тарихи дөреслектән Россия юриспруденциясенең киләчәгенә» пленар утырышы, шулай ук ел саен үткәрелә торган «Ел салым түләүчесе»премиясен тапшыру тантанасы узачак. Белешмә. Исегезгә төшерәбез, Президент Владимир Путин кушуы буенча Россиядә заманча кампуслар челтәре булдырыла. 2030 елга илдә 25 кампустан торган Йолдызлык барлыкка килергә тиеш. Әлеге юнәлеш буенча эшне Россия Федерациясе Хөкүмәте һәм Россия Мәгариф һәм фән Министрлыгы алып бара. Хәзерге вакытта «яшьләр һәм балалар» милли проекты ярдәмендә шундый 24 студшәһәрчек проектлана һәм төзелә. 2036 елга кампуслар саны 40 ка кадәр артачак. Башкортстан Россиянең заманча кампуслар челтәре булдыру буенча федераль проект гамәлгә ашырыла торган сынау төбәкләренең берсенә әверелде. Уфада Евразия фәнни-белем бирү үзәгенең югары уку йортлары арасындагы студентлар кампусының беренче чираты 2024 елның февралендә ачылды.

Чыганак: campusufa.ru