Муниципалитетлар үсештә булыр

Башкортстан Республикасы Башлыгы Радий Фәрит улы Хәбиров Мәләвез районында республика шәһәрләре һәм районнары җитәкчеләре семинарында катнашты. Көн тәртибендә-территорияләрне социаль-икътисадый үстерүнең актуаль мәсьәләләре һәм якын киләчәктә җирле үзидарә органнарының бурычлары.

Төбәк җитәкчесе республиканың динамик үсешен тәэмин итү һәм киләчәктә кешеләрнең тормыш сыйфатын яхшырту өчен хакимиятнең барлык дәрәҗәләрендәге уртак тырышлыкларның мөһимлеген ассызыклады.

- Лаеклы нәтиҗәгә бары тик хөкүмәт һәм идарә командаларының урыннардагы команда эше нәтиҗәсендә генә ирешеп була. Безнең алда торган бурычларны ни дәрәҗәдә сыйфатлы хәл итүебез сезнең һәрберегездән – Администрация башлыкларыннан, министрлык һәм ведомство җитәкчеләреннән тора, — дип билгеләде Радий Хәбиров. – Безнең семинар территорияләрне үстерүнең актуаль мәсьәләләрен хәл итү, предприятиеләр һәм оешмаларның икътисадый хәлен саклап калу, социаль йөкләмәләрне үтәү өчен мөһим мәйданчык.

Аннары Башкортстан Башлыгы муниципалитетлар җитәкчеләренә агымдагы елдагы җаваплы эшләре өчен рәхмәт белдерде һәм алдагы эшчәнлекнең өстенлекле юнәлешләрен билгеләде.

Семинар программасы кысаларында катнашучылар махсус хәрби операциядә катнашучыларга һәм аларның гаиләләренә ярдәм чаралары, шәһәр һәм район халкы белән конструктив диалог төзү, инвестицион проектларны озату механизмнары турында фикер алыштылар.

Фото: БР Башлыгы порталы.