Яңа җитештерү комплекслары эшчәнлегенә старт бирелде

Россия Сәнәгать форумы кысаларында Башкортстан Башлыгы Радий Хәбиров видеоэлемтә режимында яңа җитештерү комплекслары эшенә старт бирде.

- Һәр форумда без предприятиеләр яки сәнәгать объектлары эшен башлап җибәрәбез. Бүген бездә күңелле вакыйга-«НКМЗ – Групп» һәм «Техномаш» компанияләренең җитештерү мәйданчыклары ачылу, - дип билгеләп үтте Радий Хәбиров. - Барыгызга да уңышлар телим. Бирешмәскә, алга барырга – һәм барысы да яхшы булачак.

Предприятиеләр вәкилләре форумда катнашучыларга гамәлгә ашырылган проектларны тәкъдир иттеләр. Шулай итеп, Нефтекамада 120 млн сумлык инвестпроект кысаларында су астында урнашкан скважиналарны түбән һәм өске суырту комплексларын пневмогидравлик сынау өчен яңа стенд файдалануга тапшырганнар. Инициативаны нефть предприятиесе хезмәттәшлек иткән «Газпром» ның техник йөкләмәсе нигезендә гамәлгә ашырдылар. «НКМЗ-Групп» компаниясенең директорлар советы рәисе Мостафа Асланов ассызыклаганча, яңа стендны эшләтеп җибәрү производство үсешенең мөһим этабына әверелде һәм проектны гамәлгә ашыруда ярдәм иткәннәре өчен республиканың идарә итү командасына рәхмәт белдерде.