Уеннар аша технологияләргә таба

Уфада «Башкортстан: технология уеннары аша» исемле беренче төбәкара студентлар экспедициясе тәмамланды.

Ун көн дәвамында илнең төрле почмакларыннан җыелган 16 талантлы студент яшьләрне заманча технологияләр һәм кирәкле цифрлы һөнәрләр белән таныштырачак видеоуен прототибын булдырды. Уйлап табучылар бу вакытта Уфаның вузара кампусы, лабораторияләр һәм Башкортстан белән илһамланганнарын әйттеләр.

- Видеоуеннар бүген яшьләр һәм хәтта өлкәннәр арасында да бик популяр тема. Виртуаль чынбарлык дөньясына чуму тормышыбызның күп темаларын һәм өлкәләрен колачларга мөмкинлек бирә. Ул белем бирү процессында популярлык җыя, чөнки уеннар аша дөньяны танып белү җиңел. Башкортстан, Уфа белән элемтә - ул безнең үзенчәлек, аны Россия Федерациясенең барлык субъектларына һәм аннан читтә трансляциялисе килә. «Берлог» остаханәсендә катнашучыларга киләчәктә дә инновацияләрдә уңышлар телим, – диде Башкортстан республикасы мәгариф министры урынбасары Наталья Никитина.

Чара йомгаклары буенча балалар «Берлога» киберфизик платформасы белән берлектә акселераторларда катнашу өчен уеннарның ике прототибын төзеделәр. Һәр команда үз продуктын тәкъдир итү, аны тулыландыру – идеяләр, бурычлар, формат рәвешендә тәкъдим итте. Кунаклар һәм экспертлар үзләрен тестировщиклар сыйфатында сынап карый алдылар.