Башкортстанда кыш 15 сентябрьдә башлана, ди...

Быел федераль властьлар төбәкләрдә коммуналь хезмәтләрнең кышкы сезонга әзерлек срогын климат шартларына туры китереп үзгәртте. Башкортстан өчен ул 15 сентябрь дип билгеләнгән. Үткән җылыту сезоны 1 октябрьдә старт алган иде.

Шулай итеп, хәзер яңа кагыйдәләр буенча районнар җылыту сезонына әзерлек паспортын элекегә караганда 2 ай алданрак алырга тиешләр.

“Хакимият башлыкларының әлеге мәсьәләгә җитди каравын сорыйм. Әзерлек срогы сизелерлек кыскарды", – диде Радий Хәбиров оператив киңәшмәдә.

1 июльгә кышка уртача әзерлек 31,4% дип бәяләнә. Гомумән алганда, әзерлек темплары үткән елгы күрсәткечләргә туры килә. Әлеге вакытта Аскын, Борай, Мишкә, Миякә, Кыйгы районнарында эшләр кызу бара.

Чанаңны – җәй, арбаңны кыш әзерләп куй дип борынгылыр белми әйтмәгән инде ул.

Гүзәл Гаянова.