Дәүләт хакимияте вәкилләренә туры эфирда сорау бирә аласыз

Башкортстан халкы дәүләт хакимияте вәкилләренә сорауларны Республика белән идарә үзәгенең социаль челтәрләре битләрендә, район хакимиятләре, министрлыклар һәм ведомстволарның социаль челтәрләрендә уза торган туры эфир кысаларында бирә ала.

Туры эфирлар өчен сораулар Кире элемтә платформасында кабул ителә. Аларны “Дәүләт хезмәтләре” булган һәркем бирә ала.

Алгоритм гади:

1. Район хакимиятләре башлыклары һәм республика башкарма хакимият органнары җитәкчеләре катнашында булачак туры эфирлар турында анонслар алдан ук Республика белән идарә үзәгенең социаль челтәрләрендә, район башлыкларының аккаунтларында һәм министрлыклар һәм ведомстволар сайтларында бастырыла.
2. Анонсларда сылтама бирелә, аның буенча кеше үзен борчыган проблеманы яңгырата һәм “Дәүләт хезмәтләре”нең “Решаем вместе” платформасы аша эфир темасы буенча сорау бирә ала. Шулай ук анонста сорауларны җыюның төгәл вакыты, эфирны үткәрү вакыты һәм датасы күрсәтелә.
3. Барлык сораулар теркәлә һәм туры эфирны оештыручыларга җибәрелә. Сорауда проблеманы тасвирларга, әгәр мөмкин булса, адресны күрсәтергә һәм фото яки видео куярга кирәк.
4. Сораулар билгеләнгән көнне һәм вакытта туры эфирда яңгыраячак. Әгәр кеше үз соравына җавапны ишетмәсә, борчылырга кирәкми – аны Кире элемтә платформасы яки “Дәүләт хезмәтләре”ндә күрсәтелгән электрон почта аша җибәрәчәкләр.

Республика белән идарә үзәгенең социаль челтәрләрендә 2025 елның июнендә “Кире элемтә платформасы” системасы аша Уфа шәһәренең Дим районы башлыгы Иван Иванов, Мәләвез районы башлыгы Зәбир Габдуллин, Бәләбәй районы башлыгы Азат Сәхәбиев, Нефтекама шәһәре башлыгы Эльдар Вәлидов, Уфа шәһәренең Октябрь районы башлыгы Антон Тарасов, мәгариф министрының беренче урынбасары Светлана Антипина белән туры элемтәләр үтте.