Депутат бурычларга баткан

Пермь шәһәре Думасы депутаты, ФСБ капитаны һәм эшмәкәр Дмитрий Федоровка бурычлары аркасында Русиядән китүне тыйдылар. Мондый карарны Мотовилиха район суды кабул итте, дип хәбәр итә РБК.

Басма мәгълүматлары буенча, Федоровка карата салымнар һәм җыемнар буенча бурыч ачыкланган, шулай ук гомуми күләме 513,5 мең сум тәшкил иткән штрафлар исәпләнгән. Парламентарийларга карата ике башкарма производство ачылды, дип аңлаттылар судта.

Шулай ук Федоровка карата 612,3 мең сумлык төгәлләнмәгән өч башкарма производство гамәлдә. Күрсәтелгән суммага срогы чыккан 376,6 мең сумлык кредит йөкләмәләре һәм коммуналь хезмәтләр — газ белән тәэмин итү, җылыту һәм электр энергиясе өчен 180,8 мең сумлык бурычлар керә, дип яза РБК.

Фото: imall.com.