Хөкүмәтара килешүгә кул куйдылар

19 июнь - XXVIII Петербург халыкара икътисадый форумы кысаларында Башкортстан Башлыгы Радий Хәбиров һәм Дагыстан Башлыгы Сергей Меликов хезмәттәшлек турында хөкүмәтара килешүгә кул куйдылар.

Исегезгә төшерәбез, ике республика арасында сәүдә-икътисадый хезмәттәшлек турында беренче килешү 1995 елның 16 маенда имзаланган иде.

- Безнең төбәкләрне бик күп нәрсәләр бәйли. Башкортстанда 20 елдан артык Дагыстан милли-мәдәни үзәге уңышлы эшли. Ә сезнең республикада – " Салават пыяла” башкорт предприятиесе, – дип билгеләп үтте Радий Хәбиров. - Күпмилләтле Дагыстанның үсешен без рәхәтләнеп күзәтәбез.