Радий Хәбиров: Башкортстан язмышы Русия белән мәңгегә бәйле

Башкортстан Башлыгы Радий Хәбиров республика халкын Русия көне белән котлады.

“Хөрмәтле ватандашлар, кадерле дуслар! Сезне ихлас күңелдән илебезнең төп дәүләт бәйрәме – Русия көне белән котлыйм! Бу бәйрәм Ватаныбызның көчен, бердәмлеген, бай мәдәниятен һәм күп гасырлык тарихын гәүдәләндерә. Ул туган илебезнең данлы үткәннәре өчен рәхмәтебезне, лаеклы бүгенгебез өчен горурлыгыбызны һәм бөек киләчәгенә ныклы ышанычыбызны чагылдыра.

Башкортстан язмышы Русия белән мәңгегә бәйле. Безнең республика һәрвакыт аның ышанычлы таянычы булды һәм шулай булып кала да.

Без легендар буын җиңүчеләре һәм безнең заманның чын геройлары – махсус хәрби операциядә катнашучыларның батырлыгы алдында баш иябез. Аларның тәвәккәллеге Русияне беркем дә буйсындыра, җимерә алмаячаганы бернинди шик калдырмый.

Бу көннәрдә без милли каһарманыбыз Салават Юлаевны искә алабыз, аның исеме хәтерләрдә куркусызлык, үз халкына тугрылык символы буларак мәңге сакланачак”, – диде Радий Хәбиров.

Төбәк җитәкчесе бүген шулай ук Уфа көне дә билгеләп үтелүен ассызыклады.

“Безнең башкала “Хезмәт батырлыгы шәһәре” исемен йөртә һәм тоташ республика белән бергә илнең киләчәгенә лаеклы өлеш кертә. Туган республикабыз һәм Бөек Русия үсешенә керткән уртак тырышлыгыбыз арытаба да лаеклы нәтиҗә китерсен. Йөрәкләребезне Ватаныбызга карата сөю, аның иминлеге сагына басканнарга рәхмәт һәм горурлык хисе тулыландырсын. Русия көне, милли батырыбыз Салават Юлаев һәм башкалабыз Уфаның туган көне белән, дуслар! Тынычлык, иминлек һәм яңа казанышлар телим!” – дигән теләген җиткерде Радий Фәрит улы.