“Безнең гаиләгә рәхим ит, улым"

Билгеле блогер Рөстәм һәм аның тормыш иптәше Индира ике кызлары янында бер ул алып кайтты.

Нәбиевларның гаиләсендәге шатлыклы вакыйга турында инде белми калучылар юктыр.

“2025 елның 11 июнендә 00:35 сәгатьтә синең гомер тарихың башланды.
Таныш булыгыз, Нәбиев Таир Рөстәм улы!

Авырлыгы – 3520 гр.

Буе  – 51 см.

Безнең гаиләгә рәхим ит, улым.

Хәзер инде син безнең нәселне һәм легендар Нәбиевләр фамилиясен дәвам итәсең”, дип язган Рөстәм Нәбиев үзенең социаль челтәрләренә.

Сабый сәламәт һәм бәхетле булып, әти-әнинең тигез канаты астында үссен дип телибез.