Халыкны авыл хуҗалыгы ярминкәләрендә көтәләр

Бүген Башкортстанның күп кенә шәһәр һәм районнарында чираттагы авыл хуҗалыгы ярминкәләре уза, аларда җирле җитештерүчеләрнең табигый, яңа продуктларын сатып алырга мөмкин.

Бу хакта төбәкнең Сәүдә һәм хезмәт күрсәтү министрлыгы Матбугат хезмәтендә хәбәр иттеләр.

Гомумән алганда, 6 июньнән 8 июньгә кадәр Башкортстанның 33 шәһәрендә һәм районында 50 ярминкә мәйданчыгы оештырылачак. Адреслар һәм контакт мәгълүматлары БР Сәүдә министрлыгы сайтында күрсәтелгән.

Мәсәлән, Уфада ярминкәләр бүген һәм иртәгә Рабкоров урамы 20 адресы һәм Спорт сарае каршында эшли.

«Башинформ» буенча Юлай НИЗАЕВ әзерләде.