«Профессионалитет» проекты кысаларында килешүләр

Вузара студентлар кампусы мәйданчыгында урта һөнәри белем бирү системасы кластерларында катнашучылар арасында килешүләр имзаланды. Алар 2026 елда «Профессионалитет» федераль проекты кысаларында ачылачак. Документларны имзалауда Мәгариф һәм фән министрлыгы, Сәнәгать министрлыгы, Төзелеш министрлыгы, Авыл хуҗалыгы министрлыгы, шулай ук республиканың эре сәнәгать предприятиеләре вәкилләре катнашты. Килешү урта звено белгечләрен әзерләүче мәгариф учреждениеләрен һәм сәнәгать предприятиеләрен берләштерү юлы белән Урта һөнәри белем бирү кластерларын формалаштыруга һәм алга таба үстерүгә юнәлдерелгән хезмәттәшлеген күздә тота. Бу «Профессионалитет» федераль проекты кысаларында кадрларны һөнәри әзерләү максатыннан эшләнә.

Башкортстан 2022 елдан башлап «Профессионалитет» проектында катнашуда беренчеләрдән булып катнаша. Агымдагы елның март–апрель айларында РФ Мәгариф министрлыгы үткәргән конкурс сайлап алу нәтиҗәләре буенча 2026 елда безнең төбәктә тагын 8 урта һөнәри белем кластеры булдыру турында карар кабул ителде. Проект көллиятләр инфраструктурасын модернизацияләүне, заманча укыту-җитештерү базасын оештыруны һәм максатчан кадрлар белән тәэмин итүнең нәтиҗәле системасын эш бирүчеләрнең ихтыяҗларына туры китереп һәм киләчәктә чыгарылыш укучыларын эшкә урнаштыруны гарантияләп төзүне күздә тота, –дип ассызыклады Башкортостан Республикасы Мәгариф һәм фән министры Илдар Мәүлетбирдин.

Урта һөнәри белем бирүнең 8 кластеры «Профессионалитет» федераль проекты кысаларында 2026 елда түбәндәге тармаклар буенча үз ишекләрен ачачак: «ягулык-энергетика комплексы», «төзелеш тармагы», «авыл хуҗалыгы» һәм «машина төзелеше». Алар Башкортстанның 50 эш бирүчесе өчен квалификацияле белгечләр әзерләячәк. Барлыгы 800 миллион сум федераль акча һәм 400 миллион сум – төбәк бюджеты акчасы җәлеп ителәчәк.

 «Профессионалитет»та катнашу республиканың фәнни-мәгариф үзәге буларак югары уку йортлары арасындагы кампусның ролен киңәйтә. Галимнәрнең алдынгы казанышлары, яңа технологияләр һәм алдынгы белем бирү методикалары аша урта һөнәри белем бирү системасына трансляцияләнәчәк.

Башкортстан кластерлар саны буенча башка субъектлар арасында алдынгы урында тора. 2026 елга 27 көллият (30% тан артык) модернизацияләнәчәк.