Республикада федераль судьялар тәгаенләнде

Русия президенты Владимир Путин Башкортстанда федераль судьяларны тәгаенләү турындагы указга кул куйды. Документ хокук мәгълүматының рәсми порталында дөнья күрде.
Документка ярашлы, 6 еллык срокка Нефтекама шәһәр суды рәисе итеп Вильмир Хөснетдинов, Нефтекама шәһәр суды рәисе урынбасары итеп Алексей Окишев, Стәрлетамак шәһәр суды рәисе урынбасары итеп - Филүс Кәримов, Уфа шәһәренең Орджоникидзе районы суды рәисе урынбасары итеп Тимур Хәсәнов тәгаенләнде.
Дүртөйле район суды судьясы итеп - Юлия Коробко; Сибай кала суды судьясы итеп - Роман Микрюков; Уфа шәһәренең Киров районы суды судьясы итеп - Кристина Гәрәева; Уфа шәһәренең Ленин районы суды судьясы итеп Резеда Шәйсолтанова билгеләнде.

"Башинформ" буенча.