Армиягә язгы чакыру башланды

Армия хезмәтенә чакырылучы егетләр хәрби операция зонасына җибәрелмәячәк. БР Хөкүмәте премьер-министры урынбасары Ирек Сәгыйтов республика муниципалитетлары киңәшмәсендә шулай дип белдерде.
Мәгълүм булуынча, 1 апрельдән Русиядә армиягә язгы чакыру башланды. Ул 15 июльгә кадәр дәвам итәчәк.
Армиягә китүчеләрне җыелу пунктларыннан апрель уртасында озату башланачак. Хезмәт итү вакыты элеккечә 1 ел тәшкил итә.
2024 елның 1 гыйнварыннан армиягә алу яше 18 дән алып 30 яшькә кадәр билгеләнгән иде.