Урта һөнәри белем бирү системасын модернизацияләү

28 март көнне Башкортстан Башлыгы Радий Хәбиров Республика Йортында Уфага Урта һөнәри белем бирү системасын модернизацияләү мәсьәләләре буенча күчмә утырышта катнашу өчен килгән Русия Федерациясе Федераль Җыены Дәүләт Думасының Мәгариф комитеты вәкилләре белән очрашты.

Очрашуда комитет рәисе Ирина Белых һәм Комитет әгъзасы Эльвира Айткулова, шулай ук гражданлык җәмгыятен үстерү, иҗтимагый һәм дини берләшмәләр мәсьәләләре комитеты рәисе Яна Лантратова катнашты.

- Сезне республикада сәламләвемә шатмын. Дәүләт Думасының мәгариф комитетының күчмә утырышын бездә   мәртәбә. Өстәвенә, сез бик мөһим теманы сайладыгыз. Урта һөнәри белем бирү системасын модернизацияләү - иң актуаль мәсьәләләрнең берсе. Без республикада бу өлкәдә җитди тәҗрибә тупладык, алар белән уртаклашырга телибез, – диде Радий Хәбиров.

-Республикада урта һөнәри белем алу өчен башкарган эшләрегез - без һәрвакыт трибунадан яңгырата торган үрнәк. Башкортстан бу максатларга җәлеп ителгән федераль акчалар саны буенча һәрвакыт лидер гына түгел, ә аларны куллануның нәтиҗәлелеген дә күрсәтте, – дип билгеләде Ирина Белых. - Бу күрсәткечләрне саклап, сез – «Профессионалитет» программасын эшләтеп җибәргәнче үк көллиятләр тулай торакларына игътибар  бүлдегез. Башкортстанда хуҗалык кулы булуын күрсәттегез һәм урта һөнәри белем бирү системасын үстерүгә тренд бирдегез. Шуңа күрә без Комитетыбызның күчмә утырышын, бу тема буенча беренче мәртәбә, нәкъ менә Уфада уздырырга карар кылдык.