Башкортстанда Милләтара мөнәсәбәтләр буенча совет утырышы булды

Милләтара мөнәсәбәтләр буенча республика башлыгы каршындагы совет утырышының төп темасы махсус хәрби операция шартларында милләтара тотрыклылыкны саклау булды, дип хәбәр итә БР Башлыгы матбугат хезмәте.

— 150дән артык халык вәкилләре гасырлар буе дус һәм тату яшәгән республика өчен милләтара һәм конфессияара конфликтларга каршы көрәш — мәсьәләләре хакимият органнары һәм җәмәгатьчелек лидерлары эшенең иң мөһим юнәлешләреннән берсе булырга тиеш. Бу нәкъ менә хәзер, МХО шартларында аеруча мөһим, — дип ассызыклады Радий Хәбиров.

Утырыш азагында төбәк җитәкчесе совет әгъзаларына конструктив дискуссияләр өчен рәхмәт белдерде һәм дәүләт бүләкләре тапшырды.

Юлай НИЗАЕВ әзерләде.

Фото: БР Башлыгының рәсми порталы.