«Школа 21» гаризалар кабул итә башлады

Дөнья дәрәҗәсендәге Евразия фәнни-мәгариф үзәгенең Уфа югары уку йортлары арасындагы студентлар кампусы мәйданчыгында «Школа 21»дә укырга гаризалар кабул итә башлауга багышланган матбугат конференциясе узды. Чара Башкортстан Республикасы Хөкүмәте Премьер-министры Андрей Назаров, «Школа 21» директоры Александр Федяков, шулай ук Саклык банкының Башкортстан бүлеге идарәчесе Азамат Салихов катнашлыгында узды.

Мәгариф платформасы дөнья дәрәҗәсендәге Евразия фәнни-мәгариф үзәгенең югары уку йортлары арасындагы студентлар кампусының геном үзәге базасында ачылачак. "Школа 21”нең гомуми мәйданы 5 000 кв.м. тәшкил итәчәк, ул 408 эш станциясенә исәпләнгән булачак. Русиянең башка шәһәрләрендәге охшаш проектлар кебек үк, Уфада «Школа 21 " тәүлек буе эшләячәк. Бу катнашучыларга мөстәкыйль рәвештә укытуның уңайлы графигын төзергә мөмкинлек бирәчәк.

Андрей Назаров билгеләп үткәнчә, Уфада «Школа 21» мәйданчыгын булдыру цифрлы технологияләрдә карьерага омтылучы барлык төбәк халкы өчен яңа мөмкинлекләр ачачак. Башкортстан Министрлар кабинеты җитәкчесе фикеренчә, заманча карарлар нефть химиясе, энергетика һәм башка сәнәгать блоклары, авыл хуҗалыгы өчен кирәк. Аерым алганда, сүз җитештерү, логистика процессларын оптимальләштерү, акыллы фермерлык технологияләрен кертү турында бара. Мәгариф һәм медицина даирәләре дә әһәмиятле: төбәктә телемедицина сервислары, электрон белем бирү платформалары һәм зур мәгълүматларны эшкәртү системалары актив үсә.

Проектта катнашучыларны сайлап алу өч этаптан торачак, аларның финалында «бассейн» булачак. Ул «Школа 21» мәйданчыгында 26 көн дәвам итәчәк. Бу вакыт эчендә катнашучылар алга таба белем бирү өчен «C» программалаштыру теле нигезләренә чумачаклар, шулай ук индивидуаль һәм төркемле проектлар башкарачаклар.