Чаңгыга бас һәм ярдәм кулы суз

8 мартта Башкортстан башкаласында шәһәр чаңгы марафоны узачак. Анда катнашучылар хәйриячеләр була һәм үз стартларын каты авыру кешеләргә ярдәм итүгә багышлый алалар.

Дәвалау учреждениесенең матбугат хезмәтендә аңлатуларынча, “благобегун”нар - чаңгы трассасына чыгып кына калмый, ә «Уфа хосписы» фонды карамагындагыларга ярдәм итү өчен акча да җыя. Өстәвенә, Уфа чаңгы марафонында турыдан-туры катнашу мәҗбүри түгел, җыен оештырырга һәм бу изге эшкә дусларыңны һәм танышларыңны җәлеп итәргә мөмкин. Узган ел шундый сигез “благобегун” 125 200 сум җыйган. Быел оештыручылар рекорд куярга өметләнә.

Инициативага кушылырга теләүчеләр нинди сумма җыярга теләүләрен хәл итәргә тиеш. Шуннан соң WhatsApp +7 917 789-34-49: ф.и.о., үзе турында һәм кеше өчен акциядә катнашуның ни өчен мөһим булуы турында кыска хикәя, үз фотографиясен һәм ул җыярга ниятләгән сумманы җибәрергә тиеш. Фонд хоспис сайтында шәхси җыем булдырачак һәм катнашучыга сылтама җибәрәчәк. Шуннан соң “благобегун” үзенең социаль челтәрләрдә, мессенджерларда һәм хезмәттәшләре арасында бу хәбәрне сөйләргә тиеш.

Бер мөһим өстәмә бар: хәйрия акциясендә катнашучылар марафонга теркәлергә һәм билет сатып алырга тиеш. "Җыелган акчаларга Уфа хосписы каты авыру балаларга һәм өлкәннәргә ярдәм күрсәтүне дәвам итә алачак. Марафон тәмамлангач, “благобегун”нарны бүләкләр һәм хоспис буенча экскурсия көтә", - дип сөйләделәр оештыручылар.

Сүз уңаеннан, хәтта кеше марафонда катнашмаса да, ул иганә ясап, ярдәм итә ала. Актив җыю шартлары белән Уфа хосписы сайтында танышырга мөмкин.

https://resbash.ru/news/obshchestvo/2025-03-05/ufimskiy-hospis-kazhdyy-uchastnik-lyzhnogo-marafona-mozhet-stat-blagobegunom-4145854