"Ватанны саклаучылар" фонды һәрчак ярдәм итәргә әзер

Агыйдел шәһәрендә «Ватанны саклаучылар» фондының Башкортстан филиалы карамагындагыларга комплекслы ярдәмне Гөлназ Мәхмүтова күрсәтә. Аның 200 гә якын тәрбияләнүчесе, алар арасында махсус хәрби операциядә катнашучыларның әнисе Валентина Косолапова да бар.

  Сугышчыларның әнисенә ашыгыч рәвештә Уфа күз авырулары фәнни-тикшеренү институтында консультация кирәк була, һәм ул ярдәм сорап соцкоординаторга мөрәҗәгать итә. Гөлназ Мәхмүтова мөрәҗәгатьне кабул итте һәм проблеманы тиз арада хәл итәргә кереште.

Аның тырышлыгы белән Валентина Косолапованы чираттан тыш офтальмологик кабул итүгә чакырганнар, аннан соң операция үткәргәннәр. Ул  уңышлы үтте.

 «Ватанны саклаучылар» фондының Башкортстан Республикасы буенча филиалы штатында – 106 социаль координатор. МХОда катнашучылар һәм аларның гаилә әгъзаларының төрле проблемаларын, шул исәптән медицина характерындагы проблемаларны хәл итү – социаль  координаторларның төп бурычларыннан берсе.

 Эшләү чорында «Ватанны саклаучылар» фондының Башкортстан Республикасындагы филиалына 100 меңнән артык мөрәҗәгать килгән.

Шуларның 2 700гә якыны – медицина ярдәме алу, 56сы дарулар белән тәэмин итү мәсьәләләре буенча. 3 200дән артык кеше шифаханә-курорт дәвалануын сорап мөрәҗәгать иткән. 3500 сугышчыга һәм аларның якыннарына психологик ярдәм кирәк булган.