Уфада тегү коворкингы ачыла

Русиядә беренче «Кибер-ателье» - УНГТУның «Технология һәм кием конструкциясе» кафедрасының акыллы киемнәр фәнни-тикшеренү лабораториясе - яңа гына эшли башлаган кием дизайнерларын бер урынга җыячак. Моның өчен вузара студентлар кампусы территориясендә тегү коворкингы ачыла да инде.

Коворкингка килүчеләр һөнәри җиһазлар белән җиһазландырылган эш зонасы бар. Шулай ук монда иҗат һәм дуслык атмосферасы хөкем сөрәчәк, дип ассызыклады пространствоны оештыручыларның берсе, Уфа дәүләт техник нефть университетының «Кибер-ателье» лабораториясе җитәкчесе Ольга Будеева.

— Башкортстанда дизайнерлар һәм эшмәкәрләр буларак үсәргә, яңа кием брендлары һәм җиңел сәнәгать эшләнмәләре булдырырга теләгән иҗади кешеләр күп. Һәм тегү коворкингы алар өчен үзебезнең ил эшләнмәләрен булдыруда идеяләр тудыру өчен мәйданчык булачак, илдә мода һәм креатив индустрия фикердәшләре бергәлеген тагын да киңәйтәчәк. Моннан тыш, тәҗрибәле укытучылар һәм осталар яшь дизайнерларга проект дизайны һәм эшләнмә әзерләүнең теләсә кайсы этабында профессиональ консультация хезмәтләре күрсәтә алачак, — дип сөйләде Будга Будеева.

Юлай НИЗАЕВ әзерләде.

Фото: БР Хөкүмәтенең рәсми порталы.