Яшьләр хөкүмәте уңышлы эшли

Чара Евразия гыйльми-белем үзәге йорты базасында үтте.
Республикада яшьләр хөкүмәте 2019 елдан алып эшли һәм ул республика хөкүмәте каршында киңәшләшү һәм консультатив орган булып тора. Орган үзенең эшен иҗтимагый башлангычларда гамәлгә ашыра.
2024 елның ноябрендә читтән торып үткән беренче этабы чикләрендә кандидатлардан 80 гариза килгән. Катнашучылар, конкурста катнашу өчен, мотлак документлардан тыш, төбәк башкарма власть органнары белән хезмәттәшлек итү буенча үз проектлары белән таныштырдылар.
"Бүген без башка профильле ведомстволардагы коллегалар белән яшь һәм креатив 20 идарәчене сайлап алабыз. Алар яшьләр белән дәүләт власте органнары арасында арадашчы булачак, яшьләр идеяләрен алга этәчәкләр һәм республиканы үстерүче проектларны тормышка ашырачаклар",- дип белдерде БР яшьләр сәясәте буенча дәүләт комитеты рәисе Вито Сабиров.
2024 елда илнең яшьләр хөкүмәтләре ассоциациясе рейтингы йомгаклары буенча Башкортстан яшьләр хөкүмәте Русиядә иң яхшысы дип табылган. Ул шулай ук "ГосСтарт" номинациясендә "Яшьләр вакыты" Бөтенрусия яшьләр казанышлары премиясе лауреаты булган.

БР яшьләр сәясәте буенча дәүләт комитеты.