Башкортстанда 16 яшьлек Диана Хәсәнованы эзлиләр

Иглин авылында 16 яшьлек Диана Хәсәнова югалган. 15 февральдән аның кайда булуы билгесез, дип хәбәр иттеләр «ЛизаАлерт» эзләү отряды волонтерлары.

Югалган кызның билгеләре: буе 170 см, гәүдәсе уртача, чәчләре коңгырт, күзләре яшел.

Югалган көнне ак куртка, аклы-зәңгәрле шакмаклы күлмәк, зәңгәр джинслар, аклы-яшелле кроссовкалар кигән булган.

Диананың кайда булуы турында нинди дә булса мәгълүматка ия булганнарның барысын да 112 яки 8 (800) - 700 – 54 - 52 телефон саннары буенча шалтыратуларын сорыйлар.

Фото: «Лиза Алерт» эзләү-коткару отряды.