Китап бүләк итегез!

«Мәхәббәт белән китап бүләк итегез» акциясенә беренчеләрдән булып БР Дәүләт Җыелышы депутаты, «Ватанны саклаучылар» фонды җитәкчесе Гөлнур Кулсарина, Уфаның Совет районы администрациясе башлыгы Айдар Базгудинов, БР матбугат һәм киңкүләм мәгълүмат агентлыгы җитәкчесенең беренче урынбасары Елена Арямнова һәм Зәйнәб Биишева исемендәге «Китап» нәшрияты директоры вазыйфасын башкаручы Эльмира Хәйретдинова кушылды.

- Без тернәкләндерү учреждениеләрендә дәваланган махсус хәрби операциядә катнашучыларга, яраланып кайтканнарга, аларның якыннарына китаплар бүләк итәргә телибез. Бу батырлыклары өчен рәхмәт, - дип сөйләде Гөлнур Кулсарина һәм кабул итү пунктына батырлар турында әкиятләр җыентыгын тапшырды. Айдар Базгудинов «Китап» кибетендә акция өчен сатып алынган китап турында сөйләде. Китап Ленинград блокадасына багышланган.

 - Бөек Ватан сугышы елларында кешеләрнең батырлыгы турында кыйммәтле басма. Хәрби хезмәткәрләр аны бәяләрләр дип ышанам. Минем өчен мондый акциядә катнашу мөһим һәм аңа һәркем кушыла ала. Ә Елена Арямнова билгеләп үткәнчә, китап һәрвакыт кешеләргә энергия бүләк итә һәм рух көчен ныгыта. Бу рухландырырга, юатырга һәм яңа офыкларны ачарга сәләтле чын күңел даруы.

Акция Халыкара китап бүләк итү көненә багышланган һәм 14 февральдән 23 февральгә кадәр дәвам итәчәк. Аны «Китап» нәшрияты «Ватанны саклаучылар» фондының Башкортстан Республикасындагы филиалы һәм агентлыгы белән берлектә үткәрә БР матбугат һәм күңкүләм мәгълүмат агентлыгы үткәрә. Теләге булган һәркем китабын җыю пунктларына китерә ала. Аннары аны сугыш ветераннарының Республика клиник госпиталенә һәм махсус операция сугышчыларының гаиләләренә җибәрәчәкләр. Акция шартлары буенча китап бик яхшы хәлдә, 2022 елдан соң чыкканнар гына  кабул ителә.

Уфада кабул итү пунктлары:

«Китап» кибете, Ленин ур., 26,

 «Китап» киоск, Тукаев ур., 46,

 «Китап» нәшрияты, Октябрьнең 50 еллыгы ур., 13.

Фото: Уфаның Совет районы администрациясе матбугат хезмәте