Радий Хәбиров Роман Головченко белән эшлекле очрашу үткәрде

Бүген Минскида Башкортстан Башлыгы Радий Хәбировның Беларусь Премьер-министры Роман Головченко белән эшлекле очрашуы булды. Көн тәртибендә - икътисадның төрле тармакларында яңа проектларны гамәлгә ашыру һәм хезмәттәшлекне үстерү буенча «юл картасы» чараларын үтәү мәсьәләләре.

Беларусь Премьер-министры Башкортстан җитәкчелегенә нәтиҗәле хезмәттәшлекне үстерергә омтылулары өчен рәхмәт белдерде.

– Узган ел нәтиҗәләре буенча сәүдәнең баланслы булуын билгеләп үтәргә була, бу – хезмәттәшлекнең иң мөһим күрсәткечләренең берсе. Без бер-беребезне уңышлы тулыландыра торган темалар таптык, - дип ассызыклады Роман Головченко.

Роман Головченко «Горожанин» троллейбуслар җитештерү буенча "Минск автомобиль заводы" һәм "Уфа трамвай-троллейбус заводы"ның уртак проектының яхшы үсеш темпларын билгеләп үтте, шулай ук Уфаның трамвай паркын яңарту максатыннан «Белкоммунмаш» заводы белән яңа проект оештырырга тәкъдим итте.

Радий Хәбиров Беларусь Премьер-министрының уртак башлангычларны гамәлгә ашыруда шәхсән катнашуын югары бәяләде.

– Иң мөһиме - бергәләп драйвер һәм ничек хезмәттәшлек итәргә кирәклеге мисаллары булган флагман проектлар алып барабыз. Болар - җитди ниятләре булган эре, көчле "АМКОДОР", "1АК-GROUP" компанияләре.

Машина төзелеше белән бәйле инвестпроектлардан тыш, яклар туризм өлкәсендә алга таба да хезмәттәшлек итү турында фикер алышты.

– Без Беларусьны Башкортстан туристлары өчен якты, уникаль, кунакчыл төбәк буларак җитди карыйбыз, - дип йомгаклады Радий Хәбиров. - Безнең «Башкортстанда һәм Белоруссиядә озын гомерлелек» проектын дәвам итәчәкбез һәм быел аңа «Мәктәп туризмы» программасын өстәячәкбез. Ягъни Беларуська балалар өчен дә турлар оештырабыз.

Фото: glavarb.ru