Яшьләр сарае үзенә тартып тора

Бина "Йәшлек-регион" яшьләр үзәкләрен яңарту республика программасы буенча капиталь ремонт кичергән.

1962нче елда төзелгән бинаны яңарту проекты 2023 елда конкурс сайлап алу турында җиңгән.  Шуның нәтиҗәсендә республика бюджетыннан 46 млн. сум бүленгән. Дәүләт ярдәме күрсәтелүе аркасында бинага капиталь ремонт ясалган, җиһазлар һәм корылмалар сатып алынган, заманча уңайлы киңлекләр ясалган. Алар арасында конференцияләр залы, коворкинг, медиастудия, уен, психолог, яшьләр эшләре буенча белгечләр бүлмәләре бар.

Радий Хәбиров Яшьләр сараеның спорт залын карады. Биредә грек-рим көрәше, тхэквондо кебек төрле күнекмәләр үткәрү мөмкинлекләре тудырылган. Моннан тыш, кыяга үрмәләү күнекмәләре өчен скалодром да ясалган.  Төбәк башлыгы тренерлар белән сөйләште, аларга "Авыл тренеры" программасы буенча грант алу конкурсында катнашырга тәкъдим итте.

Радий Хәбиров  махсус хәрби операция ихтыяҗлары өчен гуманитар ярдәм җыюда катнашучы район волонтерлары белән дә очрашты. Төбәк җитәкчесе аларның эше әһәмиятен билгеләде. 

Башкортстан Башлыгы районда 2007 елдан алып тормышка ашырылучы "Ватан намусы өчен" проектында катнашучылар белән танышты. Әлеге программа сәләтле яшьләргә ярдәм күрсәтү, патриотик тәрбия бирү буенча файдалы эшләр башкара. 

Быел республикада тагын 4 яшьләр объектын - Уфада, Агыйделдә, Күмертау һәм  Хәйбулла районнарында - яңарту эшләрен тәмамлау планлаштырыла. 2023 елда Уфада, Учалыда һәм Нефтекамада шундый ук проектлар тормышка ашырылган.