Вузара кампуста популяр тур ачылды

Чара Евразия гыйльми-белем үзәге галимнәре тарафыннан әзерләнгән. Ул Вузара студентлар кампусында тантаналы рәвештә ачылды. Уфа укучылары аның тәүге кунаклары булды.
22 километрга сузылган Циалковский исемендәге фәнни-популяр турда вузның физика, математика һәм роботлар техникасы өлкәләрендә тикшеренүләр үткәрелгән төп лабораторияләре һәм гыйльми үзәкләре керә. Укучылар мавыктыргыч экскурсия вакытында "Интеллектус" интерактив музейда, Уфа шәһәр планетариенда, Элемтә музеенда, Русия фәннәр академиясенең Уфа федераль тикшеренү үзәгендә булдылар. Балалар ничек итеп тавышны "күрү", салкын суны кайнарга мәҗбүр итү, кычкырган тавышыңны үлчәү мөмкинлекләрен белде, телеграф аппараты эше һәм алдынгы VR-технологияләр белән танышты.
"Циалковский. Уфа математика һәм физика призмасы аша" - 9 гыйльми-популяр маршрутларның берсе. Ул Фән һәм технологияләрнең унъеллыгы инициативаларын тормышка ашыру чикләрендә булдырылган. Һәр экскурсия бер гыйльми юнәлешкә багышланган. Мәсәлән, гуманитар, техник, химик, биология-медицина, IT, физика-математика юнәлешләре бар.
"Наука. РФ" сайтында 20 төбәк үзләренең гыйльми-маршрутлары белән таныштыра. Алар арасында Башкортстан да бар.
Мәктәп укучысыннан алып галимгә кадәр, яңа белем алу белән кызыксынучылар, теләгән һәркем яңа туристик маршрутларны күрә һәм бәяли ала. Экскурсиягә https://turizm.nocrb.ru/ сайтында язылырга мөмкин.

Чыганак: Евразийский НОЦ "Башкортостан".